Yalla sun ower the reefs,
maks glentin leams o windae gless,
pirlin shafts reflectin aff o hi-rise waas.
In the shaddas, dernt vennels lie dim
tho nicht-cauld lingers in the back wynds
an mizzles doon the tunnels aneth Union Street.
Nae far aff twal o the day, dirlin motors,
held back by lichts, ettle, ready tae hurl,
the hale het length o thon road wantin a sign.
An the sky’s full blue, nae cloud
streetch’t fite across it, nae planes fleein
fae here or there, or ony ither place.
Nae lang till efterneen dwynes tae swite an yoam,
an peuchert fowk’ll ging plottin hame wi messages
scunnert wi the hale bile’t day, greenin for nicht.
I started wi a poem ca’ed ‘Toon’ an syne it wis ower lang, ower bittie. So, I made it three -‘is poem an twa ithers - Efterneen and Howe o Nicht.
I wis myndin on Aiberdeen as I screived it. Thon wis a lang file back.
maks glentin leams o windae gless,
pirlin shafts reflectin aff o hi-rise waas.
In the shaddas, dernt vennels lie dim
tho nicht-cauld lingers in the back wynds
an mizzles doon the tunnels aneth Union Street.
Nae far aff twal o the day, dirlin motors,
held back by lichts, ettle, ready tae hurl,
the hale het length o thon road wantin a sign.
An the sky’s full blue, nae cloud
streetch’t fite across it, nae planes fleein
fae here or there, or ony ither place.
Nae lang till efterneen dwynes tae swite an yoam,
an peuchert fowk’ll ging plottin hame wi messages
scunnert wi the hale bile’t day, greenin for nicht.
© BH, 2021
I started wi a poem ca’ed ‘Toon’ an syne it wis ower lang, ower bittie. So, I made it three -‘is poem an twa ithers - Efterneen and Howe o Nicht.
I wis myndin on Aiberdeen as I screived it. Thon wis a lang file back.
No comments:
Post a Comment